ألـــــــــــــــــــــــــــــواح

مــن يــهب صعـــود الجبــال يـــعش أبـــد الـدهر بين الحفـر

8.30.2005

المطبخ المغربي

يشكل الخبز مادة ضرورية في المطبخ المغربي...في الفطور...في الغدا ...في العشا...ماكاين مشكل.
ولكن المشكل يطرح ادا غابت هدة المادة من موائدنا بالضرورة...اي لسبب خارجي...ما العمل؟
متلا لو فرضت علينا الضرورة غياب الخبز لمدة طويلة...شهر مثلا؟؟؟
أو ادا سافرت عائلة مغربية الى دولة لا تعتمد على الخبز في أكلها؟..ما العمل؟؟؟
وهنا اعتمدت على تجربة شخصية قادتنا الى دولة التايلاند......فوجدنا المشكل...
الكبار تحملو والصغار انقلبت عندهم العطلة الى جحيم
ادن هل هناك من وصفات أم أن المطبخ المغربي في ورطة؟؟؟؟؟

8.25.2005

notre home


oui c 1 maison...elle est belle... je vais le nommée maison des bloggeurs marocains...alors bienvenue a vous tous.

8.21.2005

سوق العيالات

واحد المرة كنت انا والوليدة والخوادريات في الدار...وكانت الساعة تقريبا الحداش والصرف...كنا كنتفرجوا في القناة الشارفة...وهما يجيبوا الأخبار الأخيرة...وبداو كيتكلموا على شي عيالات في البرلمان...وعمات ليا وبغيت نحتج على وجود لعيالات في هاد المناصب ونسيت بلي راني غير وحدي وسط العيالات في الدار...حيت الوليد كان خارج...وانا نقول ...أش داروا لنا الرجالا ما بقى غير العيالات...غادي يمشيو تاهوما ينعسوا في القبة........وهي تنوض الهيلالا في الدار....وبدات الوليدة وبناتها كيحتجوا علي....قالو ليا باللي العيللات أحسن من الرجالا...را غير حاكرينهم في هاد البلاد ...وزادوا...على الأقل راحنا بحال بحال...
أش غادي نقول...سكت حيت الى بغيت نهضر معاهم ...خاصني سانديكا...
واحد الشوية واحنا انسمعوا الدقان في الباب ديال الدار...وأنا نقول للوليدة...نوضي شوفي شكون......وهي تشعل تاني...وقالت ليا....الراجل يريح في الدار ولمرا تنوض تشوف شكون ياك في هاد الليل...ياه على جيل كيداير....
كيف العادة...وكلت أمري لله...ونضت حليت الباب للوليد
...

8.15.2005

sabrina


a mon avis c la plus belle candidate de l'émission studio 2m.n'est c pas????????

8.12.2005

العاب هلسنكي

البارح كنت تابعت العاب هلسنكي خاصة اقصائيات ال800 متر و عندي بعظ الملاحظات ...؟
1-أولاالجو ...كان الجو في الحقيقة سيء...و مع دلك كان التنظيم في مستوى رائع ...اخراج رائع...تعليق في المستتوى...و فكرت لو كان المغرب ديلنا هو اللي منظم الدورة ..و سبات الشتا هكدا...لو كان كل شئ غرق...ولكن هدوك الناس بزاف علينا.
تانيا التعليق ديال قناة الجزيرة الي كان كدالك في المستوى...و تعجبت للمعلقين ...عويطة..و..عمور...مغاربة متعونا في اعلام أجنبي...براقؤ...حيت احنا باقي عندنا عقلية قديمة في تسيير الأمور في الاعلام ديالنا.
تالتا...دولة البحرين ...عمرها ما حلمات تسمع النشيد ديالها في الملتقيات العالمية بحال هادي...ولكن...وقعت الواقعة...وشكون كان البطل ديالها ؟؟؟؟؟؟؟...الطبع ولد هاد البلاد...ازداد هنا ...وكبر هنا ...واتعلم هنا....ولكن دافع علا ناس اخرين...انا مالوموش ..فهادي الحياة و كل واحد تايقلب على راسو...و كون القا الخير فيي بلادو ..والله ما يجري لناس اخرين...حيت المسيرين في العاب القوى عندنا باقيين في عهد الباشا الكلاوي ....باغين ببنيو العمارات على حساب العدائين...
رابعا...وهادي نقطة حسنة في ميزان الأخوة فيي الخليج...فحنا في المغرب عندنا تصور خاص على الشخص الخليجي عامة...فهو شخص لاباس عليه ..سلبيي...فاسد أخلاقيا...مستهلك فقط...لا ييقوم بأي جهد في حياتو...ولكن البارح شفت شي عداءة خليجيين في السباق ديال ال800 متر و كانو صراحة في مستوى عالي...كانتمنا ليهم كل التوفيق ...كنتمنا كدالك من الخليجيين يتحركو في هاد الاتجاهات وييساعدو اخوتهم العرب باش يكونو جمييعا فيي المستوى المطلوب و يحقوا حظور في الملتقيات اللولية مستقبلا....

8.01.2005

انها فكرتي

شحال هدا كنت كنكتب المدونات...ولكن غير في الوراق...كنكتب كل نهار واش وقع فيه...من سنة 1996 وانا كنكتب...عندي بزاف ديال المدكرات...كل مرة كنفتح وحدة...في شي نهاروتنقرا اش وقع...اخبار الخوت ...النجاح...الموت...الرياضة...السياسة...كل شئ تقريبا
مرة مرة كنقول لأمي متلا ...نهاركدا كنت مسافرة...او مريضة..او جا عندنا شي ضيف..
كنت تاني كنكتب مقاطع من اغاني..أماني...دعاء..أمتال..كل شي.داك الشي كان واعر...
حتى مدكراتي كنت كنعطيها لأصحابي يقراوها...تقريبا بحال البلوغ...
وكان عندي تاني البوم ديال التصاور...كل صورة لاصقة في ورقة وتحتها تعليق...تصاور دياول الخرجات...العروس...المدرسة..كل شيء...ايضا بحال الفوتوبلوغ
هاد الشي علاش كلت بلا الفكرة ديالي سرقوها مني وطوروها...ولكن الصراحة..انا الدنيا هانية عندي...انا مسامحهم...ويحيا العلم
.